भरले कारले

साहित्य:

• अर्धा किलो कारले

• शेंगदाण्याचा कूट १/२ वाटी

• काळा मसाला २ चमचे

• लाल तिखट २ चमचे,

• धने पूड १ चमचा

• जीरे पूड १चमचा

• तेल २ मोठे चमचे

• खोबऱ्याची पूड २ चमचे

• कांदे मोठे २

• चिंचेचा कोळ २ चमचे

• गूळ चवीनुसार

• हिंग १/४ चमचा

• मोहरी १/२ चमचा

• हळद १/२ चमचा

• मीठ चवीनुसार

कृती:

• प्रथम कारले स्वच्छ धुऊन कोरडे करून घ्यावेत.

• नंतर त्याचे साधारण दोन इंचाचे काप करावेत व आतील बिया पूर्ण काढून टाकाव्यात.

• कढईत तेल गरम करून त्यात बारीक चिरलेला कांदा गुलाबी रंगावर परतून घ्यावा.

• तो थंड झाल्यावर त्यात शेंगदाण्याचा कूट, काळा मसाला, तिखट, धने पूड, जिरे पूड, मीठ, खोबऱ्याची पूड, चिंचेचा कोळ, गूळ घालून ते मिश्रण छान एकजीव करून घ्यावे.

• ते मिश्रण कारल्याच्या प्रत्येक फोडीत पूर्णपणे भरून घ्यावे.

• त्याच कढईत १ मोठा चमचा तेल टाकून मोहरी व हिंगाची फोडणी करून घ्यावी.

• त्यात भरलेले कारले टाकावेत व छान परतून घ्यावेत.

• मिश्रण जर उरले असेल तर तेही भाजीसोबत कढईत परतून घ्यावे.

• नुसत्या वाफेवर ही भाजी शिजवून घ्यावी म्हणचे अजिबात कडू होत नाही.