खमंग आणि खुसखुशीत कोथिंबीर वडी

साहित्य - कोथिंबीर १जुडी, लसूण पाकळ्या ८-१०, ६-७ हिरव्या मिरच्यांची पेस्ट, जिरे -२ चमचे, तीळ- १ चमचा , मीठ -चवीनुसार, हळद -१/२ चमचा, लाल तिखट- १ चमचा, धने पावडर- २ चमचे, ज्वारीचे पीठ १ वाटी, बेसन १ वाटी

कृती:

• प्रथम कोथिंबीर स्वच्छ धुवून बारीक चिरून घ्यावी.

• त्यानंतर त्यामध्ये लाल तिखट, हळद, मीठ,धने पावडर, ज्वारीचे पीठ, बेसन पीठ, लसूण, हिरव्या मिरच्यांची पेस्ट टाकुन पीठ चांगले मळून घेणे.

• मळलेल्या पिठाच्या वड्या करून त्यावर तीळ पसरवून टाकावेत.

• तयार वड्या १०-१५ मिनिटे उकडून घ्याव्यात.

• वड्या गार झाल्या की त्या तळून घ्याव्यात.

• गरमागरम कोथिंबीर वडी तयार

• तयार झालेली कोथिंबीर वडी तुम्ही टोमॅटो केचप किंवा पुदिना चटणी सोबत खाऊ शकता.

टिप : कोथिंबीर स्वच्छ धुवून घेतलेली असल्यामुळे पीठ मळताना पाणी वापरण्याची गरज पडत नाही तरी जर मिश्रण कोरडे झाले असेल तर थोडे पाणी घालून पीठ मळावे.