मिश्र भाज्यांचे थालीपीठ

साहित्य :

ज्वारीचे पीठ - २ वाटी

बेसन - १ वाटी

किसलेले गाजर - १ वाटी

किसलेली काकडी - १ वाटी

बारीक चिरलेली कांद्याची पात - १/२ वाटी

हळद - १/२ चमचा

धने पावडर - १/२ चमचा

जिरे पावडर - १/२ चमचा

ओवा - १/२ चमचा

तिखट - २ चमचे

मीठ - चवीनुसार

कोथिंबीर - १/४ वाटी कोथिंबीर

तेल - ३ चमचे

कृती:

• प्रथम एका परातीमध्ये ज्वारीचे पीठ आणि बेसन एकत्र करून घ्यावे.

• त्यात हळद,तिखट, मीठ, धने पावडर, जिरे पावडर,ओवा आणि कोथिंबीर टाकावी आणि मिश्रण कालवून घ्यावे.

• नंतर त्यात किसलेली काकडी, गाजर आणि कांद्याची पात टाकून पीठ छान मळून घ्यावे.

• मळलेल्या पिठाचे छोटे गोळे करावेत आणि एका तव्यावर तेल लावून त्यावर थालीपीठ थापून घ्यावेत.

• मध्यम आचेवर थालीपीठ दोन्ही बाजूने भाजून घ्यावेत.

• गरमागरम खरपूस थालीपीठ तयार

• हे थालीपीठ लोणी, तूप , दही किंवा लोणच्यासोबत खाऊ शकता.

टिप : किसलेल्या काकडीच्या पाण्यातच थालीपीठाचे पीठ मळून घ्यावे. गरज असेल तरच अजून थोडे पाणी वापरावे.