पुरणपोळी

साहित्य :

हरभऱ्याची दाळ - १ कप

हळद - पाव चमचा

गूळ - १ कप (किसलेला)

गव्हाचे पीठ-१ कप

मैदा-१ कप

मीठ- पाव चमचा

तेल -1 चमचा ( पीठ मळण्यासाठी)

जायफळ पूड -पाव चमचा

वेलची पूड- पाव चमचा

पाणी -२ ग्लास

तूप (पोळी भाजताना लावायला)

कृती :

• हरभऱ्याची दाळ स्वच्छ धुवून ३-४ तास भिजवून ठेवावी.

• त्यानंतर कुकरमधे हरभऱ्याची दाळ पाणी व पाव चमचा हळद घालून मध्यम आचेवर 3-4 शिट्या करून शिजवून घ्यावी.

• गव्हाचे पीठ व मैदा एकत्र करून त्यात मीठ घालावे व सैलसर कणीक भिजवून घ्यावी.

• तेल लावून ती कणिक किमान अर्धा तास झाकून ठेवावी.

• कुकर थंड झाल्यावर दाळीमधले उरलेले पाणी गाळून घ्यावे व दाळ चमच्याने चांगली एकजीव करून घ्यावी.

• नंतर त्यात गूळ घालून मिश्रण एकजीव करून घ्यावे व गॅसवर मिश्रण चांगले घट्टसर होईपर्यंत शिजवून घ्यावे.

• पुरण शिजत असतानाच त्यात जायफळ पूड व वेलची पूड मिसळावी.

• पुरण थंड झाल्यावर कणकेची छोटी पारी लाटून घेऊन त्यात पुरण भरावे.(मोदकात सारण भरतो त्याप्रमाणे) व जास्त जोर न देता पोळी लाटावी.

• दोन्ही बाजूने तूप लावून पोळी खरपूस भाजून घ्यावी.

• पुरणपोळी तयार आहे.

टिप :- हरभऱ्याची दाळ भिजवून ठेवल्यामुळे छान मऊ शिजते .त्यामुळे मिक्सरमधून किंवा पुरणपात्रातून काढायची गरज भासत नाही आणि वेळ वाचतो.