उपवासाचे साबुदाणा वडे आणि चटणी

साबुदाणा वड्यासाठी साहित्य:

भिजवलेला साबुदाणा - २ वाट्या

उकडलेले बटाटे-2 मोठे

शेंगदाण्याचा कूट - 3 चमचे

तळण्यासाठी शेंगदाण्याचे तेल

मीठ चवीनुसार

जिरे -१ चमचा

१०-१२ हिरव्या मिरच्यांची पेस्ट

कृती:-

• प्रथम साबुदाणा स्वच्छ धुवून ७-८ तास भिजवून ठेवावा.

• नंतर भिजवलेल्या साबुदाण्यामधे जिरे, शेंगदाण्याचा कूट, हिरव्या मिरचीचे वाटण,मीठ,बटाटे कुस्करून टाकावेत व मिश्रण एकजीव करून घ्यावे.

• नंतर मिश्रणाचे छोटे गोळे करून चपटे वडे तयार करून घ्यावेत व गरम तेलात खरपूस तळून घ्यावेत.

चटणीसाठी साहित्य :-

किसलेली काकडी -१ छोटी

हिरवी मिरची - २ (बारीक चिरलेली)

शेंगदाण्याचा कूट - २ चमचे

फोडणीसाठी तेल

जिरे - पाव चमचा

दही -३-४ चमचे

साखर-पाव चमचा

मीठ चवीनुसार

कृती:-

• एका भांड्यात काकडीचा किस घेऊन त्यात शेंगदाण्याचा कूट, मीठ व साखर घालून मिश्रण एकजीव करून घ्यावे .

• नंतर एका कढईत तेल गरम करून त्यात हिरव्या मिरच्या व जिरे घालून तडतडू द्यावे व ही फोडणी चटणीवर टाकावी.

• साबुदाणा वडे व चटणी खाण्यासाठी तयार आहे.

टिप : साबुदाणा थोडा भाजून नंतर भिजवावा. त्यामुळे वडा तळताना फुटत नाही.